Divendres en V.Òc

Visuau per un talhièr de conversas en Occitan a Tolosa dins lo famós « Estanquet de la Portièra » ente se farjèt ’na chorma d’amics que lancèren mantuns projectes, que MXL87 ne’n es part.
A queste moment parlavan ren-mas en Occitan entre n’autres, lo luèc era mai confidenciau a l’encòp. Nos es vengut l’enveja de poder tornar trobar quò, tamben per daus nuvèus ’ribats.

L’eideia es simpla : se trobar, a l’entorn d’un veire, per platussar e s’esprimir en Occitan coma si qu’era un juèc. Pendent n’oreta, l’embanhament es toal. Totun pòt venir, i a pas de condicion de nivèu de mestritge de la lenga. Qu’es pas un cors, solament n’eschasença de practicar per dau monde que lor manca.

Avèm l’identitat de l’eveniment, la platussada, representada per ’na bofiòla de BD, represa coma ensert anonciatiu debas. Lo visuau es estat declinat en aficha A3 e tracts A6. Calculats per s’estampar pròpiament a la fotocòpia negre e blanc, mejans associatius oblijan.
Podetz tela-charjar l’originau dempuèi quela pagina.

>